Gunnar sigraði breska sérsveitarmanninn á rothöggi

Gunnar var rétt í þessu að bera sigurorð af breska sérsveitarmanninum Barry Mairs á Englandi. Gunnar sigraði Mairs á rothöggi í fyrstu lotu en Mair hafði einmitt sjálfur unnið síðasta bardaga sinn á rothöggi í fyrstu lotu. Gunnar sagði breska sérsveitarmanninn hafa verið mjög vel undirbúinn, gríðalega líkamlega sterkan, mjög höggþungan og með sterkt og mikið lið með sér.

Gunnar sagði þá hafa skipst á höggum um tíma en síðan náði Gunnar góðum vinstri krók á Mairs. Eftir það náði Gunnar að skjóta inn og skella Mairs í gólfið. Hann var í cross-sides  en náði síðan að mounta Mairs og lét höggunum rigna á hann. Að sögn Gunnars varðist Mairs vel en að lokum náði Gunnar að steinrota hann þegar rúmar þrjár mínútur voru liðnar af lotunni (3:38) og það tók nokkurn tíma að vekja sérsveitarmanninn aftur eftir högg Gunnars. Þetta er fjórði atvinnumannasigur Gunnars í röð í MMA og allir hafa þeir komið í fyrstu lotu!

Hér eru nokkrar myndir frá bardaganum teknar af Hywel Teague hjá Fighters Only Magazine og birtar með góðfúslegu leyfi hans.

Myndband á YouTube.

Gunnar fær loka leiðbeiningar fyrir bardagann frá Karl Tanswell þjálfara

Bardaginn að hefjast og Gunnar greinilega tilbúinn

Gunnar og Barry þreifuðu fyrir sér í byrjun, Barry vildi forðast gólfglímuna

Gunnar náði vinsti krók, skaut svo inn og skellti Barry í gólfið

Gunnar í cross-sides og Barry reynir Guillotine Choke

Gunnar kominn með mount en sérsveitarmaðurinn reynir að koma honum af sér

Gunnar með yfirburða stöðu en Barry verst vel frá gólfinu

Barry reynir að forðast höggin frá Gunnari

Örvænting ríkir í "horninu" hjá Barry enda dómarinn við að stöðva bardagann

Endirinn er umflýjanlegur og Gunnar rotar Barry með höggi

Dómarinn stöðvar bardagann um leið og Barry hættir að verja sig á skynsamlegan hátt

Hugað að Barry á gólfinu meðan hann jafnar sig

Gunnar og Karl Tanswell fagna sigri

Barry orðinn hress og þeir þakka hvor öðrum fyrir góðan bardaga

Okkar maður lýstur sigurvegari enn á ný og Barry klappar fyrir andstæðingi sínum

Fjórði sigurinn í röð og góður endir á síðasta bardaga ársins

Athugasemdir

[Þorvaldur Blöndal, 11.12.2007 kl. 02:24]

Þetta er rosalegt!  Til hamingju, Gunnar.

[Hermann Valsson (IP-tala skráð) 12.12.2007 kl. 00:00]

Frábært hjá þér Gunnar, gangi þér vel með næstu bardaga. Komdu sem fyrst aftur á æfingu hjá okkur í Judodeild Ármanns þannig að við getum skólað þig betur til. :)

[Haraldur Óli (IP-tala skráð) 12.12.2007 kl. 16:14]

Glæsilegt hjá honum

mátt endilega senda þetta inn á huga sem grein og láta eina mynd fylgja með þá sjá þetta enþá fleiri 

[Halli Nelson, 16.12.2007 kl. 11:15]

Sé að það er kominn grein um þetta á Huga þannig að við látum það bara duga

[Heimir Haralds (IP-tala skráð) 17.12.2007 kl. 13:25]

Glæsilegt, alveg gullfallegt, til hamingju og ÁFRAM bara.

Hermann það er lítið sem við getum til að skóla þennan til, hann sultar okkur alla.

kv

Hlunkur.