Chuck heldur óhress með Tito

MMA meistarinn í léttþungavigt, Chuck Liddell, er heldur óhress með Tito Ortiz þessa dagana. Ástæðan er sú að Tito mætti ekki í viktun þegar hann átti að boxa við Dana White, forseta UFC, en Tito krafðist þess á sínum tíma að í samningi sínum við UFC yrði ákvæði þar sem Dana samþykkti að sparra við Tito þrjár lotur í boxi en Dana boxaði í Boston á árum áður. Dana sem er í takmörkuðu formi undirbjó sig vel fyrir þetta en þegar á hólminn var komið mætti Tito ekki í vigtunina og sendi Dana skilaboð um að hann léti Dana "off the hook". Seinna hefur Tito víst komið með hinar og þessar afsakanir vegna þessa, m.a. að það hafði ekki verið gerður neinn samningur í kringum bardagann.

"Þetta var að frumkvæði Titos," segir Chuck. "Til hvers þarf samning um bardaga, þetta átti bara að vera sparring? Þessi apaköttur bað um þetta sjálfur. Ég þekki ekki einn einasta fighter sem myndi hafna því að fá að sparra við Dana White. Tito er bara að finna sér afsakanir og semur þær jafnóðum."

Aðspurður hvort við megum eiga von á þriðju viðureign Chuck og Tito í MMA segist Chuck myndu sigra Tito hvar sem er og hvenær sem er, eins og í hin tvö skiptin. "Hann yrði nú að vinna nokkra bardaga áður en fólk myndi sjá ástæðu til að horfa á hann mæta mér. En það myndi svo sem ekki breyta neinu. Úrslitin yrðu þau sömu eftir sem áður. Hann á enga möguleika gegn mér miðað við bardagastílinn hans í dag."

Varðandi Tito og Dana sagði Chuck að lokum. "Mér fannst þetta reyndar heimskulegt frá upphafi en fyrst þeir ákváðu þetta þá eiga menn bara að standa við það."