Spennandi tímar hjá Mjölni

Það eru svo sannarlega spennandi hlutir að gerast hjá Mjölni þessa dagana þar sem nýr þjálfari hefur bæst í hópinn hjá félaginu og mun kenna byrjendum jafnt sem lengra komnum en nk. mánudag 7. janúar hefjast byrjendanámskeið hjá félaginu. Nýi þjálfarinn er svo sannarlega enginn aukvisi því hér er kominn enginn annar en Evrópu-, Ameríku- og Brasilíumeistarinn í Brasilísku Jiu Jitsu, Carlos “Portugues” Eduardo! Það er auðvitað stórkostleg lyftistöng fyrir BJJ á Íslandi að fá Carlos hingað til lands og raunar er þetta hvalreki fyrir alla bardagaíþróttamennsku í landinu. Mér er til efs að nokkru sinni hafi svo mikill afreksmaður komið til þjálfunar hér á landi í sinni íþrótt.