Fín umfjöllun RÚV um Gunna og MMA

Það var fín umfjöllun í Sportinu á RÚV á mánudagskvöldið (eftir seinni fréttir) um Gunna og MMA. Það verður að segjast eins og er að íslenskir fjölmiðlar hafa ekki alltaf verið til fyrirmyndar þegar kemur að íþróttafréttaflutningi af bardagaíþróttum enda virðast íþróttafréttamenn iðulega skrifa bara um það sem þeir hafa persónulegan áhuga á. Vonandi fer þetta þó að breytast og menn að krefjast meiri fagmennsku í íþróttafréttaflutningi. Manni finnst stundum með ólíkindum þegar íslenskir íþróttamenn eru að vinna sigra erlendis þá skuli ekkert koma af því í stærstu fjölmiðlunum sem sjá samt ástæðu til að láta okkur vita af því hvað er að gerast hjá útlendingum í neðri deildum handbolta og fleira í þeim dúr.

Allavega, þá var þetta ágæt umfjöllun hjá RÚV og vonandi að menn þar á bæ fari að flytja fleiri fréttir af MMA og BJJ.