Gunnar Íþróttahetja ársins 2009 hjá DV og í vali sem maður ársins á visir.is

Það er gaman að segja frá því að Gunnar var útnefndur Íþróttahetja ársins 2009 í DV í dag, föstudaginn 30. desember. Gunnar er jafnframt einn af tíu sem eru í vali sem maður ársins á visir.is. Eins og áður hefur komið fram hér á blogginu þá var Gunnar ekki kjörgengur hjá Samtökum íþróttafréttamanna í vali um Íþróttamann ársins 2009 þar sem Mjölnir er enn ekki innan ÍSÍ en það er frekar langt og strangt ferli. Reyndar þykir mér það skjóta skökku við íþróttafréttamenn skuli aðeins líta til greina innan ÍSÍ í sínu vali og væri nær að ÍSÍ sæi sjálft um að velja sinn mann en íþróttafréttamenn veldu íþróttamann ársins óháð því hvaða íþrótt hann stundar og hvort hún tilheyri einhverju sérsambandi eður ei.

Athugasemdir

[Guðmundur St Ragnarsson, 11.1.2010 kl. 18:06]

Til hamingju með strákinn þinn Halli. Kv. Muggi.

[Guðmundur St Ragnarsson, 11.1.2010 kl. 18:06]

Það þarf að koma Mjölni og blönduðum bardagaíþróttum inn í ÍSÍ.

[Halli Nelson, 12.1.2010 kl. 00:38]

Takk fyrir það og ég er sammála með ÍSÍ. Þurfum að vera þar. Þetta er bara meiriháttar ferli!