Gunnar sigrar Opna breska meistaramótið!

Það er skammt stórra högga á milli hjá okkar manni. Um síðustu helgi vann Gunnar geysigóðan sigur í MMA á Adrenalínmótinu í Kaupmannahöfn, þar sem hann rotaði Iran Mascarenhas, og í gær gerði hann sér lítið fyrir og tryggði sér breska meistaratitilinn í -80kg flokki á Opna breska meistaramótinu í grappling (2008 GB Grappling Open National Championship) sem fram fór í Derby á Englandi. Mótið var með útsláttarsniði en Gunni glímdi fjórar glímur og vann þær allar, tvær á stigum og tvær á fullnaðarsigri með RNC. Sigur á mótinu gefur rétt til þátttöku á FILA heimsmeistaramótinu (FILA World Grappling Championship) sem fram fer í Lucerne í Sviss 20. og 21. desember í vetur. Þess má geta að enska grappling landsliðið er valið út frá þessu móti og Englendingurinn sem tapaði fyrir Gunnari í úrslitunum fær því sæti í enska landsliðinu enda Gunnar Íslendingur og stoltur af því! Gunnar hefur þó þátttökurétt á HM í Sviss en það verður að koma í ljós hvort hann nýtir sér þann rétt. RÚV birti frétt um þetta  í útvarpfréttatímanum í gær.

Athugasemdir

[Bragi (IP-tala skráð) 25.9.2008 kl. 19:47]

Mikið rosalega er drengurinn að standa sig vel. En hvernig stendur eiginlega á því að fjölmiðlar hafa ekki fjallað neitt af viti um að Íslendingur var Englandsmeistari?!! Þetta er algjört hneiksli og enn eitt dæmið um að íþróttafréttamenn eru engan veginn starfi sínu vaxnir. Eina sem þeir segja frá eru þeirra eigin áhugamál. Kannski batnar þetta á RÚV fyrst Óðinn (alvöru fréttamaður) er orðinn yfirmaður íþróttamála þar einnig. Það á auðvitað að reka helminginn af íslenskum íþróttamönnum. Þeir mata fréttir ofan í neytendur og hafa engan áhuga á raunverulegum fréttaflutningi. En til hamingju með Gunnar. Hann er svo sannarlega einn af fremstu íþróttamönnum Íslands fyrr og síðar. Jafnvel þó ömurlegir íþróttafréttamenn fatti það ekki.